【新增內容】

謝賢與狄波拉所生的36歲細女謝婷婷日前突然在IG報喜，宣佈已經做了媽咪，榮升外公的謝賢表示未見過孫女：「而家女大女世界，外公咁又點啫，而家佢都未返嚟。」不過未有透露BB爸爸的身份（新聞連結： https://bit.ly/2HVAbi0）。

婷婷未有透露女兒的生父身份，今日有消息指兩人是相識多年的朋友，婷婷在溫哥華讀書時認識對方，近年才擦出愛火花，兩人曾被目擊拍拖現身溫哥華富豪會所「The Arbutus Club」，由於男方家境相當不錯，故婷婷決定在溫哥華生女。

婷婷的契媽汪明荃昨晚在將軍澳出席活動，對於榮升做契婆一事，阿姐說：「我都好耐冇見過婷婷，佢唔喺香港，不過佢有話畀我知，嗰陣都有啲意外驚喜，不過始終咁大個女，而且佢一向都有拍拖。」問到是否比謝賢更加早知？她說：「我同契女嘅關係都幾close，後生女處理（事情）有自己一套，都恭喜佢。」再問有否見過B女？阿姐說：「佢冇畀相我睇，都想睇吓BB，睇佢幾時返嚟啦，我未諗到送乜嘢畀BB，不過多數係會送金手鏈或者金器喇！」對於有指B女生父屋企有米，阿姐表示：「好似話婷婷讀書時已經認識，不過我唔知道喎。」

剛於峇里補辦完婚禮的黃翠如昨晚亦有現身活動，其間向工作人員派發囍餅卡，提到卡上的蘋果樹圖案，翠如說：「呢個圖案係阿蕭一手一腳設計，係我哋定情嘅蘋果樹，夠簡單幾好呀！」她亦透露目前仍在休假中，傾緊一個新的旅遊節目，今次與洪永城再合作，不過未決定拍攝地點。

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9