一年一度嘅中旅股東會例牌喺銅鑼灣維景酒店舉行,家陣「維景」字號冇人不知,冇人不曉,超過半百股東依舊熱烈捧場,張總指灣仔維景個場太細,搞唔到股東會,之不過間酒店最新出租率有七成幾,比起同區酒店仲好,全靠旅遊業界關心,安排團體入住兼搞吓會議,振興番間酒店,家唔使點減價就有客。
執行董事許慕韓仲充滿自信咁講,即使再有人染病,中旅可以保證地方乾淨企理,旗下員工好似今次一樣,唔會受到感染,皆因佢哋有歷史經驗喎。灣仔維景被隔離足足7日嘅百名員工聽到,唔知應該高興定唔高興呢?
灣仔維景落閘封店再執靚重開,前後有兩個禮拜,許慕韓話損失過百萬,家仲同港府官員傾緊賠償方案,最終補貼幾多,大家拭目以待嘞!
李華華
mailto:
[email protected]