王維基的香港電視網絡（HKTV）開台無期，除所有新製作喊停外，不少藝員前日已接獲通知不獲續約，繼艾威及劉玉翠後，本已傾妥回歸港視的周家怡，前日亦接到取消簽約通知。身在內地接拍電影的周家怡昨在電話中說：「我係傾好咗，但仲未簽約嘅，原本我7月拍港視《The Family》，跟住8月佢哋又開另一部新劇，話返上海拍，兩部撞咗期㖭，𠵱家咁樣，都冇辦法！我戥王生（王維基）慘，佢哋（港視）有打電話通知我（唔簽約），同我講對唔住，話未知未來方向係點，我話儍啦，講對唔住唔應該係你哋講，係政府講！我明白佢哋處境，呢件事上面，我覺得好無奈！」

至於姜文杰與港視亦有一年合約，稍後他將拍攝《天網》，但他估計此劇將是港視最後一部劇集。對於未來，姜文杰感到迷失，他前日在微博留言：「如果之後沒劇開=沒錢做音樂。當唯一收入來源被淘汰時，夢想如何繼續？以後我的MV會有權再次出現於香港觀眾電視機裏面嗎？作為一個香港藝人，此刻我好迷失。」
姜文杰前晚向記者透露，他很想回歸樂壇，但身為自資歌手，可能要面對再次花光銀行積蓄，加上沒劇拍沒收入，一切變得很冒險，但他強調：「我要夢想，不要麵包。」他又說：「連我哋作品都唔可以畀大家睇到，我覺得對藝術、對香港演藝事業係趕盡殺絕，甚至音樂都係！」日前他到韓國搵景拍MV及到舞蹈學校參觀，順便與到當地旅遊的胡杏兒、李思捷及胡蓓蔚等人相約吃飯，並為他們充當一日導遊。
採訪：白白