曾主演人氣韓劇《人魚小姐》同《茶煲阿四》嘅42歲男星金成民，今年3月喺緩刑期間再次涉嫌吸食冰毒而遭警方拘捕。

今日早上，水原地方法院就此案件進行第四次聆訊，金成民方面承認去年11月曾兩度購入毒品，但指11月23日買入後已即時丟掉，未有吸食注射。檢察官方面要求判金成民入獄兩年及罰款170萬韓圜（約11,000港元），案件將於下月2日宣判，令金成民面臨成為階下囚。

檢察官說：「雖然金成民坦白了自己嘅罪行並進行了反省，但佢卻於緩刑期間再次做出同樣犯罪行為，行為非常嚴重。」金成民嘅律師則代為求情：「金成民因為演藝活動受到壓力等原因，才會在衝動之下購買毒品，但目前已深刻地反省，希望法院能夠睇在佢咁坦白嘅情況下從輕處理。」金成民亦神色凝重地認錯，「以後唔會再犯同類嘅錯誤。」

金成民曾於2008年至2009年期間四度從菲律賓走私及吸食冰毒，2010年被警方拘捕後，還被發現曾吸食大麻。翌年佢被判監兩年半及緩刑四年，並被罰款90萬韓圜（約5,900港元）。