因為反修例運動，香港事務再成為國際焦點，今日不少上街市民都期盼，借助美國通過《香港人權與民主法案》（《法案》），制裁禍港官員，當林鄭也對通過《法案》表現抗拒，證明阻嚇力不容低估。

手持「Pass The Act」示威標語現身中環，30歲現為編輯的王小姐坦言，希望美國國會通過《法案》，指香港人過去已試過和平遊行、激進示威等方法，仍然未能爭取政府回應反修例的五大訴求：「如果唔係借助外國勢力，有外國包括美國嘅幫助，通過呢個對高官同出賣香港人有約束力嘅法案，係無辦法爭取到我哋需要嘅民主同自由」。她指林鄭抗拒美國通過《法案》，正是因為《法案》對林鄭有阻嚇效果，「如果佢（林鄭）支持嘅話，我哋亦都唔需要出嚟爭取」，認為通過《法案》不只對香港有好處，對美國政府亦有好處，「長遠嚟講，通過呢個法案後，就可以確保喺香港經商嘅美國人有一個好嘅營商環境，唔需要喺一個貪污腐敗嘅環境營商」。

28歲在銀行業任職的陳先生則手持美國旗上街，不滿政府昨日發動藍絲和黑社會，與警方合作進一步撕裂香港：「我覺得香港人今日有義務出嚟，話畀佢知，香港人唔會怕、唔會驚、唔會退縮，會繼續爭取五大訴求、缺一不可」。他表明十分支持美國通過《法案》，更認為應將法案「加辣」，制裁香港以致中共的官員及其家人，以及凍結他們在世界各地的所有財產。他指香港今日在國際上獲優待的地位，是因為外國政府承認香港有獨特地位，認為通過《法案》有助香港繼續保持獨特地位，並阻止官員繼續出賣香港。

「香港警察打啲細路，我真係好難過、好痛心，所以唔出嚟係唔得」。60歲的陳先生不滿警方執法方式，又批評林鄭落區無作用，「香港人都唔會同佢對話，其實唔需要對話啦，五大訴求全部寫晒喺牆上面，仲對乜嘢話？」他絕對支持通過《法案》，強調寧願「攬炒」：「如果唔係咁樣（通過《法案》），係迫唔到佢（林鄭），我哋香港人無槍無炮乜都無，想叫佢回心轉意都唔得」，認為《法案》除了制裁損害香港民主和人權的官員，更應一併制裁官員的子女，「喺美國嗰面啲大陸官員仔女，都要被遣返大陸，咁啲官員先會驚㗎嘛」。

30歲的方小姐今天與友人上街，她贊成通過《法案》，指中國與香港政府都不是站在香港人一邊，亦視巿民的意見如無物，認為《法案》若獲通過，「可能會有啲轉機，（對賣港官員）會有啲阻嚇性」，強調在政府未回應市民五大訴求，加上警暴越來越嚴重之時，「我覺得作為一個香港人，落雨又好、打風也好，日灑雨淋都好，我覺得都要出嚟」。在銅鑼灣現場為巿民提供口罩、八達通等物資的張先生從事地產業，他指上街是為了反對警察濫權，不滿警方連和平集會遊行也禁止，「我相信佢哋（警方）每次打壓我哋，我哋每個人都會出嚟發聲，佢哋越打壓，我哋越反抗」，同時表明支持通過《法案》，認為起碼令政府知道，香港受到國際社會關注，亦希望國際社會至少制裁打壓香港人權的官員。

記者 林俊謙

-----------------------------

9.15民陣遊行

日期：2019年9月15日
時間：下午3時起步
起點：銅鑼灣東角道
終點：遮打道行人專用區

*獲反對通知書，民陣上訴失敗
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港