梁班子上場後整色整水，話日後出席公開場合，唔會戴襟花、唔收紀念品，又唔會飲樽裝水，以示支持環保。有公務員就覺得，堂堂問責高官，如連呢啲濕碎嘢都要管，就實在太過得閒啦。
佢哋呢頭信誓旦旦講環保，但有讀者有感而發，話政府部門講一套，做一套。好似勞工處咁，最近向市民派發一款蛋糕形環保袋喎，但呢個環保袋，分別有兩件塑膠、一件紙皮、一張紙仔、一件碎布同一個假士多啤梨做包裝，相當唔環保囉。唔知環境局局長黃錦星會唔會跟進呢？