【恭喜晒！】Janice Man自爆感動到喊 婚後生B順其自然

蘋果日報 2019/09/08 17:05

結婚文詠珊吳啟楠
    30歲文詠珊（Janice Man）今日與拍拖5年的金融才俊男友吳啟楠（Carl）結婚，在香港半島酒店註冊簽紙，完成儀式後，在酒店中設宴招待親友。
    身穿白色露背婚紗的Janice Man，下午拖着老公步出酒店跟傳媒做訪問，Carl應記者要求錫了Janice Man的臉，而Janice主動與老公鼻貼鼻晒恩愛。提到今早進行的儀式，Janice自爆感動到喊：「好感動，最初以為自己唔會喊。」而她又指表示在香港一切從簡：「都係向啲長輩斟茶，之後有個Lunch。」
    問到雙方父母有沒有特別說甚麼？Janice說：「都係啲感人嘅說話，自己都有喊，係好值得留下嘅美好回憶。」問到長輩有沒有表示想快點抱孫？Carl就怕醜地說：「順其自然啦！」而Janice透露婚後便要開戲，故造人計劃順其自然，至於兩人何時去度蜜月？Janice就話：「今次好難得去到咁遠（意大利），所以都會同屋企人一齊去遊埠先，我哋兩個就幾時起行都得。」
    Janice指10月初便會出發到意大利，現時的心情是既期待又緊張，提到將會在意大利進行接新娘環節，Janice表示會擔心老公被姊妹玩，不過相信一班姊妹會手下留情，而她又大爆老公最怕曱甴：「唔好有昆蟲，佢最驚曱甴，不過我都驚，不過我班姊妹一定會錫住佢，所以我都唔需要擔心喇。」問到Carl有沒有準備神秘驚喜送給老婆？他就懶神秘話：「唔知喎！」問到Janice有甚麼吸引之處，Carl就話：「所有嘢都好吸引，好完美」。
    問到有沒有說話可以公開冧老婆？他就表現得非常怕醜表示：「唔好意思嘅！」此時Janice替老公解圍：「自己公開讚佢都好多次，我父母都好放心將我交畀佢，已經係足夠。」
    採訪：黃曉妍、攝影：林賓尼
    -----------------------------
    【撐學生】
    召集有心人 撐學生全年睇《蘋果》
    立即按此
    empty
    攝影：林賓尼
    empty
    Janice Man拖着老公Carl步出酒店。
    empty
    Janice Man今早與Carl註冊，正式成為吳太。
    empty
    兩人深情對望。
    empty
    Janice Man手上戴着巨型鑽戒。
    empty
    Carl應傳媒要求錫老婆。
    empty
    Janice Man的婚紗背面有個大Deep V。
    empty
    Janice Man與老公一同表示生B要順其自然。
    empty
    完成訪問後，伴娘嚴紀雯亦有到酒店外與Janice Man影合照。