「如果對方激動，接受唔到事實，就唔應該面對面講分手，或者等遲啲再講。」郭志英表示，類似暴力個案受害者一般都是女性，建議女性結交男朋友時，應了解對方是否衝動易怒。「如果嗰個男仔係情緒化，你係唔係仲要同佢一齊？」
吳志崑則表示，情侶之間若有人提出分手，雙方便應保持清晰界線，不要拖泥帶水，避免對方繼續期望可以復合，若最終事與願違，容易導致更大的反彈情緒。
「男女拍拖時應理解呢個係選擇過程，唔一定係終身對象。」香港家庭及事業發展服務訓練總監司徒漢榮認為，男女在拍拖階段應作心理準備，不一定會白頭到老，而提出分手一方就要避免將新舊愛侶比較，或出言奚落對方。「如果了解到對方容易激動，提出分手時就要避免獨處或者去偏僻地方。」
本報記者