韓國「國民初戀」秀智今年7月同韓劇《鬼怪》男星李棟旭宣佈分手，之後二人都各自忙於工作，李棟旭拍攝新劇《LIFE》，而秀智忙完粉絲見面會後，日前已投入新劇《浪客行》嘅拍攝工作。

雖然要忙於拍劇，但秀智亦有抽空為時裝雜誌拍照，當中秀智仲一改以往純情形象，以濃妝示人，造型非常成熟，差啲都認唔到佢就係「國民初戀」來。而秀智喺雜誌內亦有談及佢嘅護膚心得，秀智自爆平日會喺家中密密做面膜，亦盡量唔會以手去接觸肌膚，喺護膚品方面亦會選擇一啲溫和兼小刺激性嘅產品，以免為肌膚帶來傷害。

另外，秀智舊愛李棟旭有望同《鬼怪》拍檔劉仁娜再度合作tvN新劇《感覺到真心》(暫譯)，根據韓媒報道，二人有機會繼《鬼怪》後再續前緣，於新劇中做情侶，劇集預計明年播出，故仔係講富三代律師同人氣下滑嘅韓流女星嘅浪漫愛情故事。

精選韓流，喺晒《娛果》
http://fb.com/appledailyent