PUFFY都算係日本樂壇最具代表性女子組合之一，成員大貫亞美、吉村由美以孖妹形象喺亞洲紅極一時，連謝霆鋒、陳奕迅都反串過佢哋嘅孖公仔造型。

PUFFY組成已經20周年，上月推出紀念唱片《20thANNIVERSARYBESTALBUM非脫力派宣言》，亞美為唱片封套黐鬚扮機長，由美就化身空姐拍封面，不失PUFFY嘅鬼馬作風。

20年前嘅今日，其實係PUFFY推出處女碟《亞洲的純真》嘅大日子，而成員吉村由美嘅前夫西川貴教，同於96年5月13日以T.M.Revolution身份推出首張單曲。西川貴教近日以名曲《HOTLIMIT》之經典形象再上節目表演。雖然吉村由美同西川貴教離婚收場，不過佢哋仍保持住友好關係，今日兩人各自喺Twitter互相恭喜出道20周年。