周三（5日）快活谷夜賽，昨朝排位最後試跑，大圈試馬踴躍，高、苗、時及葉廐均積極備戰。自新季開操以來，韋達早課非常勤力，今晨（3日）亦如常一早到場。

韋達開鑼日（2日）九匹座騎獲得一冠一亞兩季，成績相當不錯。周三晚谷戰韋達有五匹座騎，而今晨他為其中兩駒操練，《蘋果馬經》晨操專家積奇對牠們狀態及表現有不同意見。

「駿皇綵」韋達跳兩段，靠海旁欄走，末段稍加快，馬身唔瘦，出腳暢順但勁勢火氣都唔夠。

「肥仔」韋達跳兩段，戴眼罩，沿欄順走慢開，入直路自動加速，粗壯馬唔肥，落腳有力神情專注，試嘉年華閘有追勢，勇態已起。

「肥仔」上季季尾在同班同程僅僅以頸位之差不敵「友情人」，今次原莊配搭再次出戰，襯季初賽事水準較低，必定乘勇交代。