【本報訊】「喝住叫佢停車，佢都衝落坑度！」紅頂「亡命小巴」司機，被乘客形容如舞龍般衝行「叫唔停」，結果昨凌晨在屯門青山公路失事，衝落水務署工地，工字鐵圍板插入車廂險中乘客，意外釀成6人受傷，警方正調查意外成因。
肇事小巴由佐敦道往元朗，司機姓容（30歲），車上載有8名乘客。現場青山公路青山灣段咖啡灣對開，來回行車線之間正進行更換喉管工程，挖開一個1.5米闊、3.5米深、10多米長的路坑，四周圍上欄杆和箭嘴燈指示牌示警。
昨凌晨2時半，小巴沿青山公路往屯門，駛至上址路段突然失控，直撞指示牌、掃毀爛杆再跌落路坑，車身向右傾側，部份工字鐵圍板插入車頭和車尾，幾乎擊中乘客。乘客如滾地葫蘆般跌跌撞撞，驚呼聲此起彼落，最後司機及兩男3女乘客共6人受傷（年齡介乎27至55歲），須要送院治理。

「佢超速仲過晒火位」

其中一名受傷的楊姓女乘客表示，她在遊戲機中心工作，凌晨兩點放工，以往兩次乘坐肇事司機駕駛的車。「佢揸得好快，今次最快。」楊昨本來不想乘他的車，無奈深宵時分班次疏落，只好冒險上車。楊續說，小巴行駛途中驚險百出，舞龍般左搖右擺，又急煞停燈位。她形容：「佢合埋眼揸車㗎！超速不特止，仲過晒火位，唔知唔夠瞓定食咗藥咁，乘客都打醒精神，唔敢瞌眼瞓。」當小巴駛至工地時，司機好像完全沒為意，直撞箭嘴燈，乘客叫住：「撞啦撞啦，快啲停車啦！」司機卻聽若罔聞，猛撞過去。