前全國政協雲大棉次子雲維恩，上月底疑因心臟病發致失控撞車離世，終年52歲。當日藝人黃子雄亦有趕往醫院見他(新聞連結： http://bit.ly/2oSBMKy )。今日雲維恩在香港殯儀館設靈，黃子雄亦有前來拜祭，送別好友。

他離開靈堂時，接受記者訪問，問到可有瞻仰雲維恩的遺容，他說：「有，佢好安詳。自己人生第一次接觸同咁近年齡嘅人離世，見到佢(雲維恩)好peaceful，個心都好舒服。」

黃子雄與雲維恩相交近卅載，雲維恩向中學同學何婉薇求婚當晚，即1990年，與黃子雄認識；雲維恩結婚時，黃子雄更充任婚禮司儀，他說自己仍未加入娛樂圈，算是自己香港第一份MC工作。

至於當年往事，黃子雄坦言：「開頭幾日都有諗起同佢一齊嘅往事，最深刻係之前有架車死氣喉鬆咗，架車死咗火，當時凌晨五點幾，就Call佢，佢二話不說出嚟幫我手，幫我唧起架車，又用磚頭整起架車，覺得佢好犀利。以前Weekend，大家一定會出嚟玩、出去蒲，但依家大家都收山，少咗出嚟(蒲)。」

發生意外當日，黃子雄說一切來得很突然，只記得一大朝早收到友人來電告之，但當時未知道情況嚴重，待他趕抵醫院時，已經太遲，未有機會與雲維恩道別。「其實我好朋友已上天堂，You（雲維恩） will be alright，佢可以喺上面做佢鍾意做嘅事，我哋喺下面OK嘅，佢太太都好strong。」

可知雲維恩有何心願未了？黃子雄稱：「佢係一個好樂觀嘅人，最緊要佢太太OK，咁佢就會好安心㗎喇。」