阿冰的家恍如一個小型藥房,無論內科、外科、骨科、腦科的藥物,都一應俱全。
「我都唔知點解周身病痛,好似樣樣都有我份,真係睇醫生都睇到我怕。」面色蒼白的阿冰說。
貧婦百病纏身
四十八歲的阿冰,近十年健康每下愈況,她患過子宮頸腫瘤,亦有心臟病,另頸骨及腰骨同時退化疼痛,需要長期服食止痛藥物,約七年前,阿冰更動過手術,切除腦內雞蛋般大的腫瘤,雖然腫瘤屬於良性,但多次手術令她身體更形虛弱。阿冰慨歎:「自己冇人冇物,最擔心有乜事,兩個仔冇人照顧。」
阿冰自幼父母雙亡,她由兄長及姊姊撫養成人。她小學未畢業便要投身社會,在工廠工作,直至二十多年前邂逅當年的丈夫,阿冰滿以為找到好歸宿,可惜這段婚姻最終還是離婚收場,她多年來與一對現齡分別二十二歲及十四歲兒子相依為命。
「好彩兩個仔都好生性,大仔𠵱家讀緊大學二年級,細仔讀緊中二,兩個成績都好好,細仔剛剛派咗成績表,考到全班第四名。」當阿冰以為可鬆一口氣,命運又再一次考驗她。
近大半年,阿冰經常出現不尋常的頭痛、暈眩等病徵,醫生懷疑是她腦瘤復發。
「近排我左邊腦成日脹痛,左半邊身又麻痹,雙眼睇嘢好唔清楚,感覺就好似當年個腦有瘤咁。」