【本報訊】陳方安生除了關心區議會選舉外，對明年舉行的特首選舉，以至中央會否履行承諾，於2017年普選特首、2020年全面取消立法會功能組別，落實真正普選都十分關注。陳太認為若中央想令港人對落實普選有信心，便應「唔好揸得咁緊」，讓選委可以在明年特首選舉中，自由提名及支持候選人。
陳太直言今次泛民在選委會選舉中派出170人參選，最終能否有150人勝出，令泛民可以有「入場券」選特首變得不明朗，「照目前嚟睇就唔樂觀喇！但係都要盡力去做」。不過陳太認為，由於明年是最後一次特首小圈子選舉，到2017年中央承諾會有普選特首，中央其實可以「唔好揸得咁緊」，讓選委在提名及支持哪名候選人有更大自由，「你（中央）可唔可以畀每一位人士（選委）有自由嘅選擇呢？支持邊一位候選人呢？」

拒評唐梁選情

對於疑似下屆特首候選人梁振英民望雖高，卻不如另一人選唐英年得到中央祝福，陳太不肯評論兩人選情，但卻點出這正好顯示香港人未能以一人一票選出特首的無奈局面。「我覺得好可惜，到2012年我哋唔能夠透過手中一票選出我哋嘅領導人。」她又認為以香港市民教育水平和質素，根本早已有足夠條件普選，「點解仲會有人話香港人未夠成熟去用手中嘅一票去選領袖？今時今日呢啲講法簡直係無稽！」
陳太認為中央既然已承諾2017年港人有普選，就要令港人對中央有信心，而中央如何處理明年特首選舉相當關鍵：「如果我哋2012年都唔熱身，你話市民對2017年普選應該抱一個好樂觀嘅態度，定係好悲觀嘅態度呢？」