日本東京遊戲展TGS今日開幕,主場大廠SONY開show前一日例牌開個記招,以為同住年一樣係咁椅講下新機,冇乜特別,點知驚喜消息接二連三!最正的就係上星期公佈,將於2014年2月22日在日本開賣的PS4,估佢唔到亞洲區竟然更早開賣,預計今年12月就有見街,快成兩個月,認真俾面亞洲市場。現場當然亦少不了名製作人出面力撐,好似渡船敬二同鈴木亮浩咁,亦當然地介紹一系列護航大作,如《真‧三國無雙with猛將傳》、《Battlefield4》、《Assassin’sCreedIVBlackFlag》、《NeedforSpeedRivals》等等,大部份都見過,驚喜不算大,但夾夾埋埋出機同時都有20多款遊戲,唔怕新機冇Game玩。