「你阿媽係女人」呢句說話千祈唔好亂講，原來係政治不正確。《城市論壇》噚日討論身份認同嘅民調風波，全國政協劉夢熊又發謬論，話自認係香港人唔等同否認中國人身份，仲擺阿媽上枱，「你媽咪係乜嘢人先，人定係女人？你話係女人，即你話媽咪唔係人囉」。
劉大炮自嘲舊年撐內地維權人士趙連海，最近又旗幟鮮明撐CY，俾人鬧到九彩都冇乜抱怨，因為香港係多元社會，冇一個名嘴、學者係「老虎屁股摸不得」，郝鐵川嘅批評只係學術「探討」。好彩現場嘅中學生冇被誤導，清晰反駁郝鐵川係中方人士，佢嘅發言會干預學術自由囉。