八方都記得當晚天氣好凍,陳日君一聽到有修女被扣喺觀塘法院,就堅持要入去搵人,企足幾個小時都唔肯走,亦唔肯坐低,嗰種堅毅不屈嘅精神真係叫人寫個「服」字。
正如八方講過,回港後陳樞機馬不停蹄,今晚七點半會有場彌撒,聽日五點半至七點喺明愛會有一個慶祝酒會。馬丁當然好想去出席彌撒,但係班韓農好客氣,係要請佢食飯,佢話可能帶埋班韓農去教堂,一齊慶祝就算數。
陳日君升做樞機之後,相信一定會有新動作,樞機為人咁刻己,不畏強權,不貪圖富貴,煲呔同北京真係冇晒佢符,煲呔今晚話咗會去出席彌撒,唔知陳日君會唔會以樞機嘅身份,再次叫佢同中央反映港人要加快民主嘅願望呢?
傳真︰2623-9278
電郵︰
[email protected]