韓國女團GFriend今日喺首爾現身，並為台灣節目《我愛偶像》進行錄影，佢哋喺現身嘆美食及飲凍飲，SinB飲檸檬特飲時因為太酸關係，即時大感難受，場面搞笑。

而近日SinB就惹是非，佢上周四出席活動時，即使喺車內仍與粉絲有唔少互動，拉開車窗同粉絲打招呼，又獻飛吻畀粉絲，相當親民，其間佢仲忽然抽隻腳出車窗，睇起上嚟好似用腳同粉絲打招呼咁，片段流出後，佢嘅行為就被批評，網民指佢無禮。

對於SinB被捱，GFriend所屬嘅事務所今日亦急急澄清，並指當中都係誤會，事務所解釋當日SinB係想話畀粉絲知，佢着咗對方送嘅鞋子，由於有啲人唔明白當中意思，所以先誤會佢用鞋打招呼。