由陳木勝執導、謝霆鋒、房祖名、余文樂及江若琳主演的電影《男兒本色》，上映4日收460萬票房，前晚電影公司在尖沙嘴設宴十二圍慶功，並宣佈該片在香港及星馬的票房共收2000萬，又預計台灣、印尼及泰國等地上映後，票房將衝破一億，眾演員笑言若真的成事，希望能分紅，但老闆林小明只是哈哈大笑，沒有應允。

「自己仔自己湊」

霆鋒接受訪問時表示很想留在香港陪下月生產的老婆張栢芝，奈何常要出外工作，他說：「我哋keep住電話聯絡，佢一日瞓十幾個鐘就傾少啲。」之前有報道指栢芝患上產前抑鬱症，霆鋒說：「如果係我仲坐喺度咩？都冇事。」他又謂未決定是否陪入產房，有指入過產房的男士都會有恐懼，霆鋒說：「我唔驚啩，成日面對血腥場面。」屆時會否由狄波拉負責湊孫？霆鋒說：「自己仔自己湊，如果佢懶死唔走，我就同佢講句對唔住，佢已經着手整薑醋。」
祖名被問到緋聞女友薛凱琪有否就其電影給予意見時，他尷尬地說：「女仔對打鬥唔係好大興趣，佢讚劇情OK，個個都搏，佢叫我繼續努力，踢頭嗰場好痛呀。」余文樂則表示其母看他拍打戲，甚感心痛。
採訪：馬建華
攝影：仇志德