曾同韓國型男玄彬演出電影嘅湯唯，今年7月忽然宣佈閃電嫁韓國導演金泰勇，展開甜蜜中韓婚姻之後，樂做「韓國新抱」，唔止出席釜山電影節、以韓look幫韓國版《W》時裝雜誌影時裝相同做訪問，大方得體融入夫家，仲火速收服唔少韓迷，打入韓國市場，令自己喺韓國人氣暴升。

昨日台灣媒體報道傳出，湯唯獲韓國形象交流研究院(CICI)獲選為「韓國形象交流橋樑獎」得主，預計明年1月12號喺首爾舉行頒獎典禮。據知韓國形象交流橋樑獎係每年選出那年對韓國形象交流有貢獻嘅名人，再經提名之後，以網上投票選出最終人選，絕對係公正，譬如2012年周迅、李宇春、劉翔都曾經獲得提名，呢位「韓國新抱」果然夠晒受歡迎！