當年今日
關於我們

【短片】【假過玩嘢王】網民批評思捷冇壓場感《今晚睇李》喪抄美韓綜藝

蘋果日報 2015/02/02 06:00

蘋果思捷即時批評冇壓場感今晚睇李喪抄美韓綜藝假過玩嘢王

李思捷同單立文喺大台主持嘅《今晚睇李》,噚日播出第一集,即引起網民好大迴響,係就係有請一班重量級嘉賓上去,如蕭正楠、黃翠如、杜德偉,仲有《12金鴨》嘅演員吳君如、劉浩龍及姜皓文等宣傳賀歲片,兼「金鴨」即場比賽跳豔舞,黑仔大跳「屎急」舞。

思捷先著西裝出場,以《Seeutonight》打頭陣,以《LateShowonDavidLetterman》或《TheTonightShowStarringJimmyFallon》嘅造型及笑談形式主持節目,先同君如傾偈,之後到蕭正楠出場玩一個叫「堅定流」嘅遊戲,思捷就同蕭正楠互問,大家揀答「真話」定係「假話」,思捷揀「講真話」,蕭正楠先問思捷:「你有冇上過陳雅倫張床?」思捷尷尬答:「2015年冇!」之後蕭正楠選擇「講假話」,到思捷問蕭正楠同女友黃翠如係唔係同居,佢指:「係,同居咗好耐!」明擺「翠蕭戀」上枱。

有網民又指,思捷雖然講過引入美式TalkShow節目成份,如《LateNightwithJimmyFallon》,思捷、蕭正楠、黃翠如及黃智雯玩生熟雞蛋扑頭遊戲,有人覺得現場氣氛同場景設計似足「EggRussianRoulette」一幕,只要google查一下就知;玩法分8隻生蛋及8隻熟雞,互相打落對方個頭,先打到四隻生蛋就贏,抄足韓國熱爆綜藝節目《RunningMan》,又係分生雞蛋同熟雞蛋,最終思捷被掟到成頭雞蛋汁。

不過有觀眾批評思捷冇壓場感,又指大台節目疑抄人哋內容,抄到有八成似。先講思捷同豹哥組成「思文敗類」被轟抄許冠文當年嘅《雙星報喜》扮晒搞gag。

有網民批評「李思捷俾我感覺係同嘉賓傾傾下計,又自己講自己,又扮下型,人地想睇嘉賓想了解嘉賓,唔係你李思捷呀,唔使再CHOK,唔洗再扮型」,亦另一網民覺得「感覺李思捷無乜急才,調返轉搵單立文做主持可能仲好睇」。