陳慧珊、泰迪羅賓、楊思琦、楊羚、鄧達智等，今日在尖沙嘴出席「香港開電視2019下半年節目巡禮」記者會，雖然舉行期間正值八號風球，不過因活動在室內進行，所以繼續如期進行。由8月開始將推出新節目，當中包括有陳慧珊主持的《放學後》、黃心美、王貽興及陳思銘主持《男士堂》、楊思琦、楊羚、鄧月平及鄧達智將擔任《30分鐘大放餸》的星級嘉賓等等。

首次主持節目的陳思銘，問到有沒有向緋聞女友唐詩詠取經？他笑言好主意，不過就沒有問對方。至於會否叫詩詠捧場？他說：「唔好喇，始終係第一次，我就覺得好有趣，乜都係新嘗試，但係對於工作人員嚟講就好冇癮，因為我成日NG。」對於他與唐詩詠早前被影到去買餸，陳思銘強調跟對方是朋友關係，問到有沒有發展的機會？他搖搖頭：「我哋真係好朋友，食飯冇問題，好正常。」談到唐詩詠被公認為最佳女朋友，他表示先做朋友認識一下，問他覺得自己與馬國明比較，誰會好一些？他說：「唐醫生（馬國明在《白色強人》內角色）好睇，但我冇見過真人。」

楊羚和楊思琦在節目《30分鐘大放餸》展示廚藝，楊羚笑指自己不及「藍帶」廚師相比：「不過我做咗咁多年媽咪，如果要求唔高，我都可以煮到一圍，最拿手係整咖喱魚蛋。」至於有否接受過批評？楊羚笑說：「我唔怕批評，唔好食咪唔好食囉，通常有都唔敢，唔好食都照食嘅。」而楊思琦則指自己能煮幾個餸，她認為煮食是最好的親子時間，一句讚美已覺得好滿足。

採訪：黃曉妍
攝影：林賓尼

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X