Twitter應該點玩？唔識嘅就應該問下拉素中場盧卡斯喇！

話說曼聯禮拜三晚喺英格蘭聯賽盃半準決賽作客英冠嘅布里斯托城，紅魔鬼領隊摩連奴玩變陣點知變出個禍，曼聯喺完場前30秒左右俾呢支英冠球隊絕殺，作客Ashton Gate輸1:2，宣佈衛冕失敗。你咪以為盧卡斯喺意大利出席緊拉素嘅聖誕晚會就好唔得閒，無時間follow呢場波。其實呢位巴西中場都唔知跟得幾貼，一完場就即刻出post，果三個笑到喊嘅emoji當然係焦點，最尾嘅「unluckyyyyyy」更加係畫龍點睛一樣。

盧卡斯呢個推文一出街，只係一個鐘頭左右就已經有超過20,000個轉發，同埋接近35,000個心心，睇嚟佢除咗表面係一位足球員之外，真身都係一個玩呢啲社交網站嘅高手嚟！

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM