粉絲喺今年情人節收到噩耗！韓國天團BIGBANG嘅G-DRAGON(GD)喺當日宣佈將於後日入伍，同粉絲闊別21個月。

GD原本就想低調入伍，不過日前韓媒就報道GD後日將喺江原道鐵原陸軍3師團白骨部隊報到入伍，報道指GD將以非公開形式入伍，韓國國防部亦應YG事務所嘅請求，將不向媒體公開GD嘅入伍現場，預計GD於明年11月26號退伍。

據知GD以現役陸軍身份入伍，佢即將加入嘅白骨部隊一向有「魔鬼部隊」之稱，事關部隊訓練艱苦，亦都會有唔少訓練，當中部隊嘅口號仲係：「只有抱必死決心投入戰鬥才能生存」，可見士兵視死如歸嘅決心。除咗GD外，韓劇《奇怪的搭檔》嘅池昌旭同埋《龍八夷》男星周元都喺白骨部隊服役，當中周元因表現優秀而作為助教繼續服役，GD入伍後將成為二人軍中嘅學弟。

另外，GD今日現身濟州「濟州神話世界」，為其GD Cafe「Untitled,2017」舉行開幕儀式。

更多韓流，喺晒《娛果》
http://fb.com/appledailyent