「呢幾年每次見珊珊嗌傷口又痕又痛，幫唔到佢，真係好難過。所以好多時珊珊容易發脾氣、唔聽話同大大聲同我講嘢，我都會耐心教佢要乖，希望佢快啲好番同愈大愈懂事。」三十一歲的馬女士細說。
兩次除疤植皮手術
其九歲長女陳珊，六年前在家中被滾水嚴重燙傷，因得不到適當及徹底的治療，傷口潰爛並出現嚴重的疤痕增生，身心飽受折磨。馬女士靠丈夫在廣東和平縣耕田種菜養妻活兒，家境清貧，無力負擔愛女接受診治的費用，去年底遂帶小妮子千里迢迢來港求醫，在本報讀者捐助下，已先後接受兩次切除疤痕及植皮手術。
如今看見女兒康復進展理想，並可望重拾健康，馬女士由衷表示﹕「每個母親最大嘅願望係仔女健康快樂，𠵱家睇見珊珊冇再周身又痕又痛，噚日重同我講以後會聽晒媽咪話，令我好開心，真係覺得收到一份最好嘅母親節禮物！」
活潑鬼馬的珊珊在旁嚷着說﹕「我𠵱家冇錢送禮物畀媽咪同請佢食嘢，第日我大個做到警察賺錢，一定會買好多衫畀媽咪扮靚，重會煲湯畀佢飲，錫晒媽咪。」小妮子的承諾，逗得馬女士笑逐顏開。