另一位任教小學普通話科的陳老師亦表示，職業不分貴賤，低下階層同樣對社會有貢獻，盼出席遊行與眾人一起發聲，他說：「我唔熟財政，但係如果咁多人站出嚟話佢（預算案）唔好，專業人士都話唔好，希望大家都出啲力，話畀政府聽佢做得唔好。」
其他中產市民同樣表明「唔收貨」，要參加遊行逼政府收回成命，任職文員的梁小姐說：「淨係嗰六千蚊（強積金）已經激到市民死啦。我覺得佢應該做番啲嘢囉，如果咁多市民畀咁多聲音出來，遊行有啲noise應該會好啲。」她期望政府退稅，相信此舉有助消減不少市民怨氣。
從事建築的雷先生則認為，預算案未有關注社會福利問題，特別是醫療福利的部份，認為政府現時有能力負擔開支，卻無意釋除市民憂慮，所以他會參加遊行，「唔同階層有唔同嘅訴求，呢啲怨氣我覺得應該有一個表達嘅地方，等大家可以發到個聲音出來」。