韓國綜藝節目《RunningMan》噚晚播最新一集，今次七位主持人以外星人造型登場，拍攝特輯「RunningWars」，當中智孝BB就戴咗個紫色牛角頭假髮，造型可愛。經過多次比賽後，智孝BB最終得第一名，佢用金交換自拍神棍，之後四出影相，仲大方公開多張同Gary仲有敷mask嘅自拍照！

節目組要求智孝BB以外星人造型，喺高速公路嘅休息站仲有屋企門口自拍，智孝BB大方接受挑戰，喺休息站嘅餐廳自拍嘅同時仲同Gary撐枱腳，返到屋企之後就一邊敷mask一邊嘟嘴自拍。

有網民表示，智孝BB錄完節目之後都仲同Gary食飯，感覺兩人好似真係拍拖，而其他網民就大讚智孝BB敷mask時都好靚。