當年今日
關於我們

【麥格夫隨筆】唔怕雷神失準 必捧的馬仍要捧!

蘋果日報 2017/09/29 23:59

麥格夫麥格夫隨筆承你所願

雷神真係令馬迷又愛又恨,一發起神威贏四、五Win係等閒事,但一失常可以差到全日冇影,令人無法理解係通常輸得最慘烈,都係賽前最備受睇好的全熱門!
現階段捧雷神要用另類模式去解讀,例如合作成功率較高馬房,去到呢一刻羅富全三次用雷神全Win,然後係鄭俊偉,合作五駒三W一P,蘇偉賢亦唔差,八駒獲兩W兩Q,都係現階段比較值得信賴組合。
今次(10月1日)蘇偉賢有「彪形猛漢」、「承你所願」、「魚躍鳥歡」同「喜得福」用雷神,單計受到雷神重視係前三駒,前兩駒上季已係雷神基本座騎,暑期後兩課大閘雷神一手包辦好重視,兩匹均處升軌中好正常。而「魚躍鳥歡」上季未沾過手,但暑期獲降四班,八月由雷神接手後即一手包辦,緊張程度更勝「彪形猛漢」和「承你所願」,如果打算吼雷神,賢、雷配不妨優先考慮。
「承你所願」上季三出兩捷,季尾贏1400米僅勝「自動波」,表面賽績唔叻,但今仗變數初戴面箍用意正面,據報雷神相當滿意加配備後試閘表現,這類三轉四歲馬隔了一個暑假,可以進步到你唔信!