被譽為美國體操史上最佳選手嘅比妮絲（Simone Biles）喺里約奧運贏咗四面金牌，仲引來兩大男神為佢爭寵！比妮絲早前貼上佢同巴西體操「小鮮肉」諾利（Arthur Nory）攬攬合照，仲講笑話係佢嘅巴西男友，已經恨死唔少女性。

原來比妮絲嘅偶像男星碩克艾佛朗（Zac Efron）都去咗巴西，兩人繼喺網上傳情後，終於相遇，碩克仲錫比妮絲面珠，又抱起佢，圓晒比妮絲心願。
點知今日到諾利呷醋，喺IG貼上抱起比妮絲嚟咀嘅相向碩克示威，同碩克講：「係我見到佢先，佢係我嘅！」如果你係比妮絲你會揀邊個男神？真係手心又係肉，手背又係肉！