內地女星章子怡今日喺微博公佈，已經幫汪峰生咗位囡囡，前後有3位女士都不約而同幫汪峰生囡囡，好多人話汪峰生成外父相，不過點都好都係喜事一單，值得恭喜。

有傳今次子怡產女嘅地方，係位於美國加州爾灣（Irvine）區嘅Hoag醫院，呢間醫院位處貴價地段，據聞萬人迷球星碧咸太太維多莉亞嘅細女「哈7」，都喺呢間醫院出世，可想而知呢間醫院收費一啲都唔平。

呢間醫院堪稱喺五星級醫院，風景怡人仲擁有海景單位，當然佢嘅生產設備亦係一流，所以成為唔少內地有錢太太或者啲富商二、三奶嘅必然首選。

網上唔少內地專做美國產子一條龍服務嘅中介公司，都標榜會入住呢間醫院，好似啲旅行社啲宣傳小冊子咁，相信Hoag醫院亦同唔少內地月子公司掛鈎。

有人問點解要揀去美國生？因為根據美國法例，只要喺美國領土出世嘅嬰兒，就自動成為美國公民，即係話汪章呢位小寶寶一出世就係美籍喇﹗