成龍送500件羽絨做善事，下午喺油麻地救世軍出席送贈儀式。

學運領袖王丹因為成龍發表反民主擁專制言論，叫人唔好睇佢套《十二生肖》，搞到同網民罵戰，成龍對呢件事就話：「千奇唔好有呢啲，言語自由大家都有，大家可以唔贊同我嘅意見，我亦尊重人哋意見。」問佢有冇擔心過？成龍話：「冇乜擔心，人哋有權睇我戲亦有權唔睇。」

之前成龍批評過香港人遊行，噚日就有好多遊行，唔知佢今次有乜意見呢？成龍反問記者：「你話呢？你覺得呢？唔好將一句話放大吸引人眼球。」