王菲同謝霆鋒係拖友就人人都知，但佢哋連感情事都極少提及，更何況婚事。不過，日前王菲竟然當眾笑談結婚標準，唔通係時候同霆鋒領取結婚證書？

係都唔出奇呀！雖則王菲依然keep得好好，齋睇剝殼雞蛋一樣嘅白滑膚質，的確唔覺佢已經50歲，但現實始終擺在眼前，難怪日前佢以全球代言人身份出席品牌活動時，平時明明三緘其口嘅感情事，今次竟然自動波講出嚟，仲漏口風似乎想領證添。

是咁的，主持人問佢點解會接呢個品牌代言時，王菲答：「怎麼說？就是一見鍾情的感覺吧，就是找對了那個適合我的，就是可以領證的那種，哈哈。所以，歡迎大家今天來到我的領證典禮。」

王菲罕有興奮講私事，睇嚟佢同霆鋒感情關係非常良好，隨時再婚唔出奇。定係已經靜雞雞結咗所以先咁興奮想話畀人知？

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難！】

親臨旺角做升級壹會員，即送「香港人：抗爭之夏」限量明信片

詳情地址