唔怕神一般的對手，只怕豬一樣的隊友！

繼「荷蘭叻」陳百祥兩度到警總撐警，昨日曹永廉一家、楊明、莊思明、莊思華、姚瑩瑩、前保安局局長李少光兒子李霖恩、李嘉、冼國林與及朱庭萱（玻璃朱）一行多人組團到警總送暖，原本想低調，可惜人算不如天算，大合照被疑似警察放上網，玻璃朱即爆粗留言，又「提醒」上載者：「班藝員係秘密探訪，唔出鏡㗎害死人喇！」

通咗天收唔番，玻璃朱轉頭突然在自己facebook貼出這批撐警照片，搞到網民個個黑人問號：「你唔係叫人del post咩，做乜自己又post呀？」而這個疑似警察facebook賬戶事後突然消失。而撐警團成員之一的楊明有樣學樣貼出撐警之行的相片，不過就投其所好，只放上微博而沒有放上IG。他今早貼送暖圖並留言：「香港警察從來都沒有放棄我們，我們亦絕對不會放棄您們，#香港警察# 謝謝您們一直堅持維護法紀，保衛香港！#正能量#香港警察 #不離不棄​」

楊明女友莊思明亦自身難保，她早已與網民有罵戰前科，今日她在楊明有份做老闆的食肆facebook專頁再次與網民鬧交，事緣有網民光顧後留言：「本來諗住物有所值就試下啦，點知隻鮑魚細到我都唔知講乜好，加上料唔太足變咗價錢相對太貴，感覺瀨咗嘢！」莊思明隨即回覆：「謝謝反映，我得閒幫你去海味舖compare下價錢呀，睇睇$88咁多餸係咪太貴！會改良的，謝謝你的意見！」結果當然引起網民不滿，有人說：「阿老闆娘去完撐警係寸啲，雖然藍店不了，但真係好想親身睇下88蚊有幾多餸，仲可以咁串！」、「好心唔好咁賤啦！拉成班二打六去慰勞啲黑警，但在店門口貼紙扮黃！cheap到冇人有！」

其後還有人說：「#做人最緊要有公關#冇公關食得屎啦！做藝人冇公關幾次畀大台掟入雪櫃，做老闆開幾間舖仔又冇公關，人哋留言唔係讚你間舖，就del人啲留言仲block人，但啲留言又del唔晒，block人又block唔晒⋯⋯咁不如摺咗個page佢啦！作為一間公司呢個做法真係好肉酸囉。支持警察唔緊要呀！好似叻哥咁，但你哋又要去，去完又咁驚，我真係替三萬個香港警察傷心。」亦有人說：「楊明以前已經試過講錯嘢被雪，而家仲要走去撐警，與港人為敵。放長雙眼睇下佢嘅藝人生涯玩完先，定佢間鋪玩完先！」後來亦有人到她的facebook貼撐警大合照相兼留言：「呢張影得靚啲，唔扮嘢，做自己，冇良心的撐黑警，就唔好扮黃想呃錢囉！」莊思明亦有回覆，表示自己「冇扮過！」莊思明與食客「熱烈討論」，部份留言消失，而莊思明就繼續回應不是串亦沒有講粗口。
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇