周四排位晨課，做最後試跑之馬匹甚多。
千八草地出試馬：「再出奇」莫雷拉跳兩段，緊韁按實，單跳帶點懶性，走順後輕騎考驗，即有反應，早前拍跳則火旺搶衝，狀態相當弗。「美麗鉅星」潘頓跳兩段，身靚過步爽，維持近期作戰水準。
「知道勝」蔡明紹跳兩段，戴眼罩，跑開有正常操練，收晒身，毛色深潤，末段輕騎，步幅開揚有力，勇態洋溢。「超有利」潘頓跳兩段，戴眼罩，體形粗壯結實，落腳整齊，神態健旺，勤拼不疲，仍有爭勝水準。

詳盡內容可留意明日<<蘋果日報>>及蘋果馬網 http://hk.racing.nextmedia.com