【新增動新聞】

利物浦上星期六以3:2險勝李斯特城嘅英超賽事，門將米洛列特喺73分鐘出迎撞跌占美華迪，畀球證判罰12碼，不過華dee親自操刀就畀米洛列撲出。米洛列特自從2013年加盟利物浦以來，喺英超面對15球12碼已經救出咗7球，比其他英超門將都要多。

利物浦領隊高路普賽後表示︰「作為一個門將，如果撲出12碼會係非常好嘅一日。佢（米洛列特）再次做到，所以好唔錯。」高路普仲話︰「我覺得我哋值得贏嘅，所以今日係唔錯嘅一日。」

至於米洛列特賽後接受《BT Sport》訪問時就話，覺得自己掂到個波先，唔應該被罰12碼，佢話「我知道我掂到個波，而球證吹罰12碼，好彩我冷靜嘗試救12碼而且成功做到，呢樣係最重要嘅。」