電影《移動迷宮》（The Maze Runner）男主角戴倫奧拜恩（Dylan O'Brien）去年3月喺加拿大拍攝第3集《Maze Runner：The Death Cure》時，遭一輛車輾過受重傷，身上多處骨折，電影即時停拍並宣佈延期上映。而戴倫經過數月休息後重新投入拍攝，《移動迷宮3》亦已經定下映期，定於明年1月26日開畫。

《移動迷宮3》近日公開劇照，同首個宣傳片為電影做造勢，Kaya Scodelario、湯馬士波迪辛特（Thomas Brodie-Sangster）同韓裔男星Lee Ki Hong喺今集繼續參與演出，故事講戴倫飾演嘅Thomas帶領成員執行最後一場，同時亦係最危險嘅行動，為咗拯朋友，佢哋需要闖入傳說中嘅Last City，一個最致命性嘅迷宮。正式預告即將公開，而宣傳片就見到幾位主角不停奔跑，有機械怪物嘅出現，同時亦有爆炸場面。