衝浪當然要有造型！

美魔男杜德偉（Alex）早前參加四川電視台最後一期《圍爐音樂會》，並擔任壓軸嘉賓，在節目真人騷部分挑戰衝浪。當日見Alex一身西裝look迎戰室內衝浪，看真點原來是穿了早前在時裝周掀起話題的Thom Browne潛水衣，設計保留了裇衫、西裝外套、領呔以至袋巾等西裝必備元素，驟眼睇絕對以為是真西裝。

Alex對這件玩味潛水裝情有獨鍾，所以專程由歐洲訂回香港，索價$42,000，設計同售價錢同樣霸氣，真係未濕身都已經完勝！Alex在衝浪板上做出多個高難度動作，絕對有姿勢又有實際，不過Alex一向keep得fit，「脫掉」可能仲有睇頭。