當年今日
關於我們

【語帶酸溜】幕後屬意巴度!郭能自爆好鍾意「甲烷」

蘋果日報 2019/12/21 11:00

甲烷霍利時郭能巴度時廐田草日馬語帶酸溜

霍利時一向唔急於催迫缺乏競賽經驗嘅年幼賽駒,自購新馬如果初出即有表現,可能有一定質素,再出都要份外留意。
上季例子就有「噴火龍」初出追入殿軍,翌仗即贏,之後再贏多兩場頭馬,今季亦攞到一亞兩季,成為三班賽中堅分子。
呢日(21日)田草日馬第五場四班1200米,時廐「甲烷」初出喺谷草1200米弱配希威森,以大冷門身份追入季席,表現令人驚喜。
此駒之後由冷變熱,前仗因喺閘廂內發牌氣,未完全安穩站立就開閘躍出,最終馬會認為佢未獲公平出閘,而讓投注者可獲退飛。
幕後上次再畀多次機會希威森,但「甲烷」早段跟前,末段力弱只得第六名。
今勻「甲烷」首度出戰田草賽事,騎師人選唔再係希威森。
呢匹四歲馬上次賽後曾由莫雷拉過檔,但今場佢要騎舊波士蔡約翰隻「大軍閥」,霍利時因而要另覓人選。
結果先後吸引兩位騎師索騎,兩位都係今季同時廐合作愉快嘅大師傅,佢哋就係巴度同郭能。
郭能今季已為時廐贏咗兩場馬,巴度則啱啱喺上期(18日)谷草騎時廐「又係熊」大勝四個馬位而回,騎練藉此打開今季合作勝門。
魚與熊掌之下,霍老爺呢勻揀咗巴度,郭能當然感到失望,佢話自己之前打電話問過練者幾次,但最終都落空。
事實上,郭能今場冇座騎上陣,聽佢語氣酸溜溜,雖然佢從未操過「甲烷」,但幾睇好呢匹馬嘅前景。
如果巴度今場發揮有乜失誤,相信郭能都會繼續攞「甲烷」嚟騎。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty