第16屆法國NRJ音樂大獎啱啱喺康城舉行，英國當紅男團OneDirection（1D）飛抵當地出席盛會，不過成員LouisTomlinson因病缺席，其餘4位隊友就到場捧走全球最佳組合榮譽，大病初癒嘅ZaynMalik，明顯已回復最佳狀態，不過就留到滿面鬍鬚，身邊嘅隊友HarryStyles就顯得更加青靚白淨。

今次頒獎禮邀得各地名人出席，擔任頒獎嘉賓嘅美國名媛ParisHilton又係一貫出位作風，佢着住火紅色大deepV嘅開衩長裙，表現得鬼咁風騷，邊行邊露玉腿，仲差啲走光咁滯！