雖然香港現正遭到非典型肺炎肆虐，但卻無損今天母親節的溫馨。古天樂和關心妍日前就分別陪伴母親提早慶祝，前者駕着其新落地價值約四十萬元的七人車，載父母到灣仔用膳，更打算放一個月大假伴雙親出國避暑。至於關心妍除與母親齊齊歎下午茶外，更送上價值逾萬元的意國水溶畫給母親大人。

古天樂日前駕駛其新購入、價值約四十多萬元的豐田七人車，接載雙親往灣仔海都酒家晚膳，提早慶祝母親節。古仔當晚約七時抵達灣仔後，便先行下車為雙親開車門及扶老人家下車，十分細心。
至晚上約八時，古仔一家用膳完畢後前往取車，現場所見，古仔一時搭着母親的肩頭密密傾，一時又小心翼翼地扶老父上車，處處顯得十分體貼。

夠體貼！
現金利是隨意購物
據知古仔除提前與父母食飯慶祝母親節外，還送上一封現金大利是給母親購物，更計劃七月時放一個月大假伴雙親出國旅行，一聚天倫。
記者日前致電問古仔送甚麼禮物給母親時，他說：「我七月會放一個月假期，本來想帶媽咪上郵輪玩，但𠵱家非典型肺炎嘅問題咁嚴重，好多地方都話要隔離，所以要再諗吓有乜地方可以帶埋父母一齊去玩。」
古仔表示今次難得可以放一個月大假陪伴家人，相信這比送贈任何禮物給雙親，都會來得更開心和更有意義。

啱嘴形！
傾訴心事無所不談
其實古仔一向十分疼惜他的母親，母子二人經常天南地北無所不談，古仔亦自言與母親比較「啱傾」，他說：「細個嘅時候我有乜嘢心事都係同媽咪講，可能女人會比較有耐性，以前爹哋係一個嚴父，媽咪就好相與啲，我同媽咪會傾得埋啲，佢又係朋友又係母親。我覺得母親節好重要，呢個節日意義重大，俾人知道要孝順父母。」