【柬單生活】到柬埔寨幫村民起屋 馬天佑感恩自己過得好幸福

蘋果日報 2017/12/06 15:19

柬埔寨馬天佑柬單生活
    馬天佑上星期同蔚雨芯去咗台灣參加咗一個名為「柬單生活」嘅計劃，去到柬埔寨幫窮困村民起屋，雖然前後去咗四日，但馬天佑話呢個行程令佢畢生難忘，佢話：「一直都感恩自己過得好幸福，可以做到自己想做嘅嘢，生活可以舒適，去完探訪就會更加珍惜自己有嘅嘢！」
    馬天佑話，佢哋今次同一班義工，最重要嘅工作係幫一啲村民搭建房舍，其中一戶人家間屋，就係因為之前打風吹爛咗，「之前冇諗過起屋係乜嘢一回事，個腦只係諗到磚頭，但原來佢哋嘅屋，只係用木、釘同樹葉咁整出嚟。」馬天佑又話透過翻譯同咗一個四人家庭傾偈，佢哋一家都係由爸爸去打工，但因為屋企太窮，小朋友之前都冇機會讀書，直至最近屋企有免費學校，先有機會讀書。
    問馬天佑行程覺唔覺得辛苦？佢話：「返嚟覺得有少少攰，但當時一啲都唔覺得辛苦，因為嗰刻只係諗，一定要幫佢哋起番間屋出嚟，初初大家都有啲生手，但經過大家教導，發覺都唔係咁難，呢個行程好開心，好有意義，有機會一定會再去。」
    更多娛聞，喺晒《娛果》
    http://fb.com/appledailyent
    empty
    empty
    蔚雨芯都有同行
    empty
    馬天佑話柬埔寨嘅人起屋只係用用木、釘同樹葉。
    empty
    起屋前，做吓熱身先。
    empty
    馬天佑同當地嘅小朋友玩得好開心。