書名：《伍家謙，交畀你講體育》
價錢：$98

曾任職亞洲新聞部、無綫體育組首席記者的伍家謙，入行十多年出書講過去採訪見聞，算是他的體育記者生涯小總結。雖然前特首梁振英曾踩體育：「沒有任何經濟貢獻」，但伍家謙在書中寫道：「我想我一生都離不開體育。體育潔淨不到污染了的水源，也不能解決第三世界的糧食荒——但其貢獻非單用數字所能量化。」

伍家謙接受電話訪問說：「本書講番以前採訪經歷，仲有接觸體壇巨星感受，如高比拜仁畀人感覺好自大同不可一世，其實佢對記者好親切，甚至第一日採訪完佢，第二日佢會記得你。之前採訪奧運睇到佢好努力，喺團隊練完之後，佢自發留低練好長時間，親眼目擊事件令我對佢改觀。仲有採訪劉翔感受更深，接連兩次奧運失手，最記得完咗奧運後，喺條街等佢出院，都係好特別回憶。」

伍家謙在書中亦提到已故恩師伍晃榮：「佢對我影響好大，幫助好大，如果伍生喺度一定搵佢寫序，最後搵佢大仔代父從軍寫序，佢話老竇喺屋企好嚴肅，係從我嘅書中得知老竇另外一面。其實覺得自己未有資格寫回憶錄，加入新聞行業由記者轉體育記者，離開呢行時已經想寫書，一直只聞樓梯響，今次做到呢件事，總算冇開到空頭支票。」