噚日突然宣佈同闊少男友分手嘅胡定欣，佢今日出席商場聖誕啟動禮，講到分手事件，佢話:「感情係咁，分手係近幾個月事。」情緒仲有波動?佢話:「其實件事發生有一段時間，有唔開心，但過去咗，o依家專心拍劇。」有冇人陪過聖誕?定欣表示會喺廠入面過，拍新劇至新年，又話開心公司放期畀佢接工作賺錢。

問到佢同男友係咪已經係談婚論論嫁嘅對象，定欣話:「談婚論嫁一直都係新聞，我哋未有呢個打算，但佢曾被我視為結婚對象。」咁點解分手?佢就話:「冇乜特別事，兩個人之間事唔係一言一語可以交代，唔想向傳媒交代細節。」咁有冇新追求者?佢話:「呢啲順其自然，拍劇冇時間識男仔。」