羅君左熱愛演戲，本月4日在無綫《萬千星輝頒獎典禮》橫掃視帝視后及最佳劇集多個獎項的熱爆劇集《巾幗梟雄》，他慶幸也有份參與其中，飾演米商一角，只可惜頒獎禮當晚他仍在醫院留醫，未能隨一眾幕前幕後在台上分享喜悅，令羅君左感到有點遺憾。

羅君左說：「當晚我喺醫院睇住電視直播，見到黎耀祥同鄧萃雯捱咗咁多年，終於攞到視帝視后，真係好戥佢哋開心，身為《巾幗梟雄》一分子，我亦感到好驕傲。」羅君左大讚黎耀祥和鄧萃雯獲獎絕對是實至名歸，回想當日拍攝《巾》劇，他便親眼見過每一場戲黎耀祥也用心地跟導演研究如何演得更好，其專業態度值得年輕一輩藝人學習。
談到視后鄧萃雯，羅君左大讚她是少數能夠用眼神演戲的女藝人，奪獎絕對是民心所向。他又說：「我最開心係見到添哥（監製李添勝）攞獎，咁多年嚟，佢都好愛錫啲演員，無論係大卡士或者細卡士，佢都一樣對佢哋咁好。」他憶述，拍攝《巾》劇時，李添勝得知他「唔夠騷」，特意着編劇多寫幾場戲給他。「見到佢攞完最佳劇集又攞萬千光輝演藝大獎，我真係好感動，感動到想即刻走到佢面前攬住佢、恭喜佢，希望將來我好番之後，可以再有機會同添哥合作。」
本報記者