【大不如前】
五一黃金周期間，訪港內地旅客自沙士後首次下跌，消費市道罕見遇冷。除金飾外，向來「旺場」的參茸海味專賣店亦受影響，需調整產品組合維持增長。專家相信，雖然本港街舖租金早已見頂，惟未必大幅減租。

南北行業務經理崔家權透露，黃金周生意與去年相若，「冇乜增長，但起碼都冇大跌」；他坦言，來自中國的豪客「買少見少」，「以前花好多錢買蟲草，現在只係買高麗參、花膠」，崔家權補充，為消化自由行消費力減少的影響，公司加密推出噱頭優惠吸客。
新地（016）旗下地產代理租務部高級租務經理李少芬指，黃金周期間商場人流與去年相若，商場繼續安排免費穿梭巴士接載廣東省客人，「人均消費差唔多，但消費模式唔同咗，以前集中買金飾，現時轉買潮流服飾、電子產品等」。她維持商場消費額全年錄雙位數增長的目標，「暫時未見到商戶要求減租」，並偏向非奢侈品類別的商戶放租。
曾多次表示「街舖租金見頂」的高緯環球香港商舖部執行總監胡詠詩認為，零售業汰弱留強局面已經開始，「唔出名嘅牌子好快要搬離黃金地段，或者要承受過份擴充的後果」；而近日有業主「終於肯減租，但幅度好輕微」，展望下半年，她預料租金大跌的機會不大。