「馬神」馬德鐘同老婆張筱蘭個帥氣囝囝馬在驤，遺傳咗型爸嘅身型，成為靚仔星二代，馬在驤噚日19歲生日，馬太喺facebook貼咗一家四口齊齊切餅相，冇數錯，真係一家四口，要計埋佢哋愛犬Rocky，身為獨子嘅馬在驤，視愛犬細佬般看待。

馬太貼相後留言：「恭喜馬在驤又大一歲！今天晚上沒有華麗的包裝，沒有豪華的晩宴，只是一家人齊齊整整享用一頓簡簡單單的晚飯，與馬德鐘一起拉拉小提琴，享受一下親子樂，一起懷緬馬在驤成長時，為你保存得完完整整的20顆乳齒，希望你喜歡這份另類的生日禮物！」

馬太為壽星仔馬在驤準備嘅生日禮物，好有心思，唔怪得佢收到時好驚喜，仲chok住拎佢包乳齒影相，壽星仔開心同爹哋媽咪共度呢個大日子。