何韻詩喺科學園搞《On The Pulse Of 我們正在》音樂節，原本聽晚輪到台灣閃靈樂隊表演，不過阿詩今日喺facebook指閃靈樂隊聽日嘅演出將會取消，原因係入境處一直都未批閃靈樂隊嘅工作簽證，更怒罵「完全唔覆、拖字闕真係X街到無人有。呢次只係純音樂交流，驚啲咩呢」。

台灣《蘋果》問到閃靈樂隊團長Doris亦慨嘆「香港變了」，唔少歌迷批評當局將事情推向政治層面，另有網民支持安排閃靈樂隊在台灣如期表演，同步開fb live，網民認為「可否閃靈樂團在台灣演唱，然後做FB/Youtube live現場直播，表達不滿」、「邊個話入唔到境就演出唔到」。

杜汶澤於fb轉貼相關新聞，留言：「閃靈可以入境才是新聞。」此外，黃秋生回覆《蘋果》指：「係藝術家都有態度有立場有思想有嘢講啦，冇，不如去補鞋啦。!」王宗堯則覺得不意外：「當政府次次都唔正面回應，次次都話係個別事件，佢哋覺得所有嘢都唔好咁政治化，卻將所有人都政治化。」

邵仲衡先以一個O嘴emoji回應：「Not surprised . these days .. 唉，Dunno this band， so no comments。」並附以一個無奈圖案。

精選娛聞，喺晒《娛果》
http://fb.com/appledailyent