當年今日
關於我們

【黃金陣容】接手雷神牌面馬!潘頓下期九匹座騎全面睇

蘋果日報 2019/11/17 06:00

莫雷拉潘頓雷神姚本輝鑽飛鷹

上周三(13日)谷中夜賽因運馬及社會氣氛等問題取消,隔一周後,今個星期三(20日)又將上演九場谷中夜馬,屆時能否如期作賽,天曉得!
不過對一眾騎師而言,一日未宣佈取消賽事,仍需努力爭取座騎,就算是一哥潘頓,也不會例外。
嚟緊星期三如果賽事跑唔成,潘頓一定極度失望,事關佢已確定九匹座騎滿晒額,相關戰馬包括「怡昌寶寶」、「鑽飛鷹」、「精彩輝煌」、「精神威」、「君達星」、「人和家盛」、「悅目星光」、「火百合」及「活力寶駒」。
當中,大部份都是近績好的實力牌面馬,相信絕對唔難在騎師王彩池幫馬迷贏錢。
其中,潘頓較特別的一駒是角逐三班1200米首組、姚本輝馬房「鑽飛鷹」。
此駒本列陣上周三第六場同班同程,由雷神莫雷拉執韁,取消賽事後匆匆報名再出,由於雷神今次要騎其他馬,故姚本輝找來實力同級的潘頓頂替,可見幕後非常心急及有決心,在今戰為馬兒打開勝門。
睇番「鑽飛鷹」獲潘頓垂青絕對唔意外。這匹五歲馬乃澳洲1200米三級賽藍寶石錦標季軍,雖然在港暫七戰不勝,但今季兩戰俱跑第三,反映本身已漸入佳境。
尤其上仗田草1200米用薛恩排大外檔下,只負0.75馬位給內欄一步不蝕的「友瑩囍」,已站在勝利邊緣。
今次「鑽飛鷹」初跑谷中,對手實力遠不及上次的「友瑩囍」,難怪潘頓肯答應為牠操刀。
潘頓周三谷戰暫定座騎
二班1000米   怡昌寶寶
三班1200米首組 鑽飛鷹
三班1200米次組 精彩輝煌
三班1650米   精神威
四班1200米首組 君達星
四班1200米次組 人和家盛
四班1650米首組 悅目星光
四班1650米次組 火百合
五班1650米   活力寶駒
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此