七十後香港人George在倫敦美資大行工作近四年，他接受電話訪問指英國脫歐之後，最令投行上班族人心惶惶不是搬遷總部到歐洲，而是今年年尾花紅「凍過水」。

George指英國脫歐後投行因前景不明朗按兵不動，許多投資計劃均暫時擱置（onhold）。他預期今年投行生意淡靜，形客該行削減（cutbonus）並不出奇。「削減花紅就是係零，唔派囉，或者少過一個月。」

George指選擇到倫敦大行工作，主因薪酬較香港多一倍外，倫敦金融業界的工種範疇也較香港多元化，「倫敦並非一味做股票相關工作，股票、商品或者債券乜都有。」倘若投行裁員，George表示不會回港找工作，計劃到東京或紐約搵工。

對報道指部份外資投行把總部移到歐洲，George認為只是「出口術」，「投行搬一個總部起碼一、兩年，同歐盟又未Deal，兩年後嘅事係冇人知喎，可能到時乜都唔駛搬呢。」

George又透露英鎊下滑未有對生活帶來實質影響，港人隔山打牛買英股可賺滙價。「英鎊跌買英國股票可以賺滙率差價，用港元係幾抵。但係如果買英股抽稅幾貴，又要考慮要持有幾耐，夠錢係咪閒錢，長遠又係咪可以升番呢。」

掌握財經生活資訊，即Like「蘋果ATM」fb專頁啦！
http://fb.com/appledailyatm